В первое воскресение, следующее за Днём Святой Пятидесятницы, Православная Церковь совершает память всех своих святых; чествует пророков, апостолов, святителей, мучеников, блаженных, преподобных, безсребренников и всех праведных, от века просиявших.

Величание:
Велича́ем вас, апостоли, мученицы и пророцы и вси святии, и чтим святую память вашу, вы бо молите о нас  Христа́ Бога на́шего.

Молитва:

О преблаженнии угодницы Божии, вси святии, предстоящии Престолу Пресвятыя Троицы и наслаждающиися неизреченнаго блаженства! Се ныне, в день общаго вашего торжества, милостивно призрите на нас, меньших братий ваших, приносящих вам сие хвалебное пение и ходатайством вашим просящих милости и отпущения грехов у Преблагаго Господа: вемы бо, воистинну вемы, яко вся, елика  восхощете,  испросити у Него  можете.  Темже убо смиренно молимся вам: молите милостиваго Владыку, да подаст нам дух вашея ревности к хранению святых Его заповедей, яко да текше по стопам вашим, возможем земное поприще в добродетельном житии без порока прейти и в покаянии достигнути преславных селений райских, и тамо купно с вами прославляти Отца и Сына и Святаго Духа, во веки веков. Аминь.